enti nyema orang indu nyabak maya sida tusah tauka sinu ati, sida ke lelaki mega bisi ngembuan chara kediri empu dikena nagang ati ari ti majak tusah. Mayuh sida lelaki ngerunding, lebuh sida nyabak,nadai bisi penyigat lalu. Nya alai, nyabak sigi enda kala mansa runding sida. Naka meh pengeras ati purih aki kitai Adam nya. Ketegal dibai ati ti malu bekunsi penanggul enggau orang bukai,nya kebuah mayuh lelaki milih ngatika diri ari ti bebakih enggau orang myuh. Nadai sida nemu nama utai ti deka nyadi ketegal ari ulah sida ti bakanya.Nitihka pansik sida ti bepenemu, enti sida majak tusah ati lalu enggai begunaka peransang ari bala bakih tauka orang ti besemak enggau sida,nangi-nangi meh...laban nya ulih ngujungka sida dipasukka ngagai wad orang jukat(gila).
nyelai mimit ga sida ti indu tu. Sida chukup mudah mansutka ai mata maya sida sinu tauka siru. Indah maya bepedaka filem Hindustan,Korea,Indon....nyau beterusur ai mata pansut. maya kitai sinu tauka tusah ati,hormon dalam tubuh kitai udah nyau enda baka selama. lebuh maya hypothalamus(dalam untak mensia) ngasaika ati mensia tusah, tekala nya mega iya lalu mansutka sigi hormone ti ngujungka kitai nyabak ngambika pengasaia ati kitai pulai baka selama.
p/s: Ngagai sida ti lelaki, anang nagang diri nyabak lebuh maya ati kita tusah.
Ngagai sida ti indu, anang kelalu tengik ga.
NAMA UTAI TI TAU NGUJUNGKA ATI KITAI BERAIE TUSAH?
1. orang ti dikesayau kitai ngejang pegi ke batang mandai
2. putus pengerindu
3. sarak/beserara
4. penanggul(krisis) ekonomi
5. penanggul ba endur gawa
6. ngembuan penyakit ti enda ulih diubat
7. pemansang dunya
8. enda mujur dalam peresa
nitihka pansik, Pertubuhan Kesihatan Dunia(WHO), mayuh mensia udah munuh diri ketegal ati ti balat tusah. Nya alai, bala raban ari sepital bendar amat negelalau kitai ngena leka jaku ngambika kitai enda nitihka singkang bala sida ti pandak runding nya.
BAKANI KITAI ULIH NEMU DIRI BERAIE TUSAH?
1. Berasai sinu sereta sunyi ti enggai badu-badu
2. nadai pengerindu agi ngereja pengawa ti selalu digaga kitai maya lantang
3. jampat berasai lelak sereta lepi
4. nadai pengeliat ati
5. ngasai diri selalu salah lalu enda diguna
6. tinduk enda cukup/ lebih jam tinduk
7. nadai pengerindu deka makai ngujungka sida kurus
8. ngembuan pengasai deka mati tauka munuh diri
9. enda terenah lalu jampat amat ringat
10. tusah ka ngaga pemutus ati
11. pedis pala, pedis isi
5 CHARA KENA NGELAUNGKA ATI BERAIE
1. selalu liat ati lalu berunding positif
2. anang kelalu nyimpan juluk ati ti bangat tinggi enggaika enda ulih dijapai
3. bebakih enggau orang mayuh/ anang nyadi baka nyumbuh tunggal
4. nguji enggau orang gawa bebala mayuh
5. selalu bejalai ngelantangka ati
6. anang muai peluang enggau orang ninga licha peransang pengidup
p/s :CHARA AKU NYELIAHKA ATI BERAIE
1. meda album gambar(FUNNY PIC)
2. meda movie ti ngasuh ati ketawa
3. bekunsi cherita enggau bala bakih
4. mandi/nyemerai
5. bejalai ngelantangka ati
6. datai ngagai gereja. ( THE MOST EFFECTIVE)
