Hari Apai/Hari Bapa/Happy Father's Day

HARI APAI????nama enda reti Hari Apai ngagai siku-siku kitai neh?pelaba aku genap iku kitai endang ngembuan penemu ti bebida ari pangan diri senentang nama reti Hari Apai.
nitihka pansik,Hari Apai belabuh dirami kenyau ari pun abad ti ke-12. HAri Apai tu ditagaka ngagai sida ti lelaki lebih agi sida ti udah begelar apai.Tuju asal Hari Apai tu dirami semua raban bansa ba dunya tu iya nya kena kitai meri basa terima kasih sereta mantaika pementas penyayau kitai ngagau apai kitai.Ba menua kitai Malaysia,Hari Apai dirami maya minggu ti ketiga dalam bulan June.Lebuh maya Hari Apai,dia deh bala bini,anak sereta bala bakih deka meri hadiah tauka tanda pemeri ati ngagai sida ti udah begelar apai.Ngagai bala sida ti udah ditinggalka apai ngejang ke batang mandai,maya datai Hari Apai,sida ulih nemuai ngagai endur apai sida dikuburka.Enda milih apai kitai agi idup tauka udah nadai,kitai ti anak endang sigi udah nyadi adat kitai bebasaka apai indai.Dalam siti ruang bilik,apai nya meh ti nyadi ketuai. nya alai, anang sesekali kitai ngelanggar pesan sida tang belajar meh ngembuan ati ti sinu sereta siru ngagai bala sida. Enti nadai sida ti begelar apai,nyangka nadai siku kitai diau ba dunya tu.ngagai kitai ti anak,beri meh kasih sayau sereta penyiru ngagai apai kitai.mayuh udah dipeda mata bala anak malu ngambu apai indai diri ketegal bai ati ti kelalu sumbung. nyepi diri udah mujur lalu enda ingat agi ngagai apai indai.Hari Apai dirami kitai sekali setaun.Nadai rugi kitai meri peluang sari begulai enggau apai kitai. Ngambika banding,kitai ulih mai apai kitai makai2 ba tempat ke badas sereta ngembuan pemakai ti nyamai2.Kelimpah arinya,kitai mega ulih meri apai kitai bungai,baju baru,kad,tali rekung,kasut baru,etb. Lebuh kitai meri sida utai ti bakanya,beri meh enggau ati ti tuchi beresi. anang kitai sengaja ka nunjuk mua ngisin laban malu enggai dikumbai orang nadai reta.

****beri meh basa ngagai apai sementara sida agi ngimbai kitai.siku apai ulih nupi anak sepuluh tang anak sepuluh enda ulih nupi apai siku.tu meh utai ti nyadi ba dunya diatu.tajapan dalam adat kitai iban nadai dirintaika pengerami nyambut Hari Apai,tang nadai salah kitai ngambi sereta nunda pengerami tu.

****SELAMAT HARI APAI ngagai apai aku ti dikesayau belama.Tajapan aku enda ulih pulai lalu sama2 nyambut Hari Apai baka ke taun tu,ari jauh aku besampi ngagai Tuhan ngambika Iya merekatka pengidup nuan apai. Enda ulih ku ngira penyayau nuan ngagai aku apai.belabuh ari aku ada dataika umur aku diatu.nuan dah nyaga aku enggau naka iya pementas.mimit pan nuan enda kala ngelakka aku bejalai kediri nempuh dunya ti penuh enggau penguji.nuan ngendas setiap titis ai mata aku.maya ku tusah,nuan datai ngimbai aku ditisi.mimit pan nadai kala nuan madah diri lelak gawa ketegal ti ngiga belanja dikena nyengulaka aku.Aku sayau ke nuan apai.......